روح للمحتوى

الحكاية كاملة

من المخزن للأوردرات والتشغيل، وبعدين Bloomy

بدأت من المخزن، مش من Ads Manager.

  1. 01

    تشغيل الـE-commerce

    بدأت من المخزن وتحضير الأوردرات. جهزت أكتر من 5,000 أوردر، واستلمت أكتر من 11,000 قطعة.

    هنا بدأت أفهم إن كل أوردر وراه مخزون، تكلفة وتشغيل.

    • +5,000

      أوردر جهّزتها

    • +11,000

      قطعة استلمتها في المخزن

    أرقام تقديرية من فترة شغلي في تشغيل البيزنس

  2. 02

    العملاء والأوردرات

    بعدها بدأت أتعامل بشكل مباشر مع العملاء، وشوفت مشاكل المرتجعات وإعادة الطلبات والشحن.

    بدأت أفهم ليه الأوردر بيتقفل، وليه أحيانًا ما بيوصلش.

    • +4,000

      أوردر مرتجعات وإعادة طلبات

    أرقام تقديرية من فترة شغلي في تشغيل البيزنس

  3. 03

    إدارة التشغيل

    بعدها بدأت أدير جزء كبير من التشغيل: فريق الـModeration، المخزون والاستلامات، التنسيق مع المصنع ومتابعة التشغيل اليومي.

    خلال حوالي 6 شهور، البيزنس حقق حوالي EGP 6.5M في المبيعات خلال فترة كنت مسؤول فيها عن جزء كبير من التشغيل.

    • EGP 6.5M

      مبيعات الشركة في الفترة دي، مش نتيجة بنسبها لنفسي

    أرقام تقديرية من فترة شغلي في تشغيل البيزنس

  4. 04

    متابعة التصنيع

    بعدها دخلت أكتر في جانب الإنتاج، ونزلت المصنع وشوفت مراحل التصنيع بنفسي.

    مش متخصص تصنيع، لكن التجربة دي فهمتني قد إيه تأخير الإنتاج أو مشكلة في المنتج ممكن تأثر على المخزون، الأوردرات والعميل في الآخر.

  5. 05

    Bloomy

    بعد ما خلصت شغلي في البيزنس ده، بدأت Bloomy من الصفر.

    درست المنتج والسوق والمنافسين والتكلفة، واختبرت الطلب بـMessage Ads، وبدأت أبني البيزنس خطوة بخطوة.

  6. 06

    Shopify والـPerformance Marketing

    مع Bloomy دخلت أعمق في الـShopify ونسبة التحويل وقيمة الأوردر، وبنيت الستور بنفسي.

    وبدأت أشغل Meta Ads وأختبر الـCreatives والـAngles، وأربط اللي بشوفه في الـAds Manager باللي بيحصل بعد الأوردر.

الإعلان ممكن يجيب الأوردر، لكن البيزنس كله هو اللي بيحدد إذا كان الأوردر ده مربح فعلًا ولا لأ.

  1. المنتج
  2. السوق
  3. الكرياتيف
  4. الإعلان
  5. الموقع
  6. الأوردرات
  7. التشغيل
  8. النتيجة

الخلاصة

اللي خرجت بيه

اتعلمت إن المبيعات مش أرباح، وإن الأوردر اللي اتعمل مش بالضرورة أوردر وصل للعميل.

وعشان كده، لما أشوف مشكلة في الأرقام، مش بفترض إن الحل إعلان جديد.

ممكن المشكلة تكون في المنتج، الموقع، التشغيل، أو اللي بيحصل بعد الأوردر.

أنا مش بشوف الإعلان لوحده.

بشوف المنتج والسوق والعميل، والستور والتشغيل والأرقام. وبعدين بشوف الإعلان.